Rukku.it

Santu Mazzoni

Santu e Nena (…e li cumpagni “a Cocu mia”). No llu sai ca ntra nnu mesi à vuta' pi Ferraresi?


Santu Mazzoni

"Santu Sa', ci tu vuè riti
lassa ncroci e ien'a viti...
No llu sai ca ntra nnu mesi
à vuta' pi Ferraresi?

Uarda dda, nci štannu tutti
li fašcisti: cce so' bbrutti...
e quedd'atri, fessi fessi
sontu quiddi ti lu DiEssi."

Quanti fiati l'àggi'a ddi',
mo si chiamunu PpiDdi
e poi tu, cu cuddu critu,
v'a capisci ć'à capitu.

"Sienti Sa', ci no mi criti
fatti nculu e ien'a viti,
lu šta sienti ddu crištianu
timm'a mmei no nn'è Tamianu?

e quedd'atru, cor'a cori,
no nn'è Curtu: sinatori?
Timmi, mena, no bbabbari
pi cci tici c'à vutari?"

Na mannàggia santu lìzziu
quišti mo nci l'ànn'a vìzziu
cu si càngiunu ti facci
com'a ll'arti ti li pacci.

Á capitu Francu nueštru,
ca s'è fattu capu meštru...
l'è pinzata propia bbona
cu no pperdi la portrona!

Quišti, ormai, so' nna farfalla
ca ntra l'arria zzumpa e bballa,
tannu l'ànama e lu cori
a llu tiàulu tintatori;

s'ànnu tati pieti e mani,
cu llu sangu ti crištiani,
e lu cul'alla bbuccuni
a ‘šti puerci ti patruni.

Mo, perciò, cu si nni vannu
ca avòglia quantu tannu
ànnu fattu a štu paisi
ti quant'avi štannu ssisi.

 

 

Ci ncununu ven'a tuzza,
iu nci šcasciu la cucuzza
e vitimu, ntra llu lagnu,
ci mi chiamunu cumpagnu;

li ddilessu ti mazzati,
quantu mai nci n'ànnu tati,
e lu votu, pi punioni,
nci lu tau a bbirlusconi.

"E va bbeni, lassa sciri,
ntra la ràggia cchiù no ddiri
ca ci no po' tai rascioni
a ddu bbuenu fitintoni;

cqua lu mundu s'è cangiatu,
vai annanti ci è rrubbatu
e perciò no ti lagnari
ci no ssai a ć'à vutari."

Sienti Ne', lassimi stari
ca iu sàcciu ć'àggi'a fari...
No nci štau a štu cumbrottu:
no lli votu e mi nni fottu!

Santu Mazzoni



  • Redazione
  • Ultimo aggiornamento: 19 Febbraio 2014 - 21:56
Commenti

Nessun risultato trovato.


Lascia un commento. Per lasciare un commento devi essere registrato Registrati